میتۆدی توێژینه‌وه‌ی بار :
به‌عه‌ره‌بی (دراسه الحاله) و به ئینگلیزی (Case Study) وله فه‌ره‌نسا به‌م میتۆده ده‌ڵێن میتۆدی مۆنۆگرافی واته وه‌سف کردنی یه‌ک بابه‌تێک ،مه‌به‌ستیش له‌یه‌ک بابه‌ت واته توێژینه‌وه له‌سه‌ر یه‌ک یه‌که وه‌ک (که‌سێک ،خێزانێک ،دێیه‌ک وه‌ک یه‌ک یه‌که و....هتد له رووی پێناسه‌وه مه‌به‌ست له‌م میتۆده ئه‌وه‌یه توێژه‌ر زانیاری له‌سه‌ر یه‌ک یه‌که‌یه‌ک کۆ بکاته‌وه ئیتر ئه‌و یه‌که‌یه هه‌ر شتێک بێت به مه‌رجێک به مێژووی یه‌که‌که‌دا شۆڕ بێته‌وه و قۆناغ به قۆناغ ئاراسته‌کانی گه‌شه‌کردنی روونبکاته‌وه یان جه‌خت بکاته قۆناغێک له قۆناغه‌کانی مێژووی ئه‌و یه‌که‌یه که په‌یوه‌ندی به ئامانجی توێژینه‌وه‌که‌وه هه‌یه ،ئه‌م میتۆده له هه‌موو لقه‌کانی کۆمه‌ڵناسیدا به‌کارنایه‌ت
،ئه‌و بابه‌تانه ده‌گرێته‌وه له چوارچێوه‌ی بابه‌ته‌کانی تاوانناسی و ده‌روننناسی کۆمه‌ڵایه‌تیدان .ئامرازه‌کانی ئه‌م میتۆده چاوپێکه‌وتن و ناسنامه‌و مێژووی ژیان و یاداشت وبه‌ڵگه‌نامه‌کانی ژیانی ئه‌و یه‌که‌یه‌ن. بۆ نمونه ئه‌گه‌ر توێژینه‌وه‌یه‌کمان هه‌بوو به ناونیشانی ،(هۆکاره‌کانی توش بوون به ماده‌هۆشبه‌ره‌کان) یان (لادانی مێردمناڵ له کۆمه‌ڵگای کوردیدا) یان (هۆکاره‌کانی هه‌ڵوه‌شانه‌وه‌ی خێزان)ده‌کرێ به مێژووی درووست بوون و قۆناغه‌کانی ژیانی ئه‌مانه‌دا شۆڕبینه‌وه‌و ئه‌و ساته‌وه‌ختانه بدۆزینه‌وه که ئه‌م باره‌ی تێدا درووست بووه‌و بووه‌ته هۆی توش بوون یان لادان یان هه‌ڵوه‌شانه‌وه .
